تروكولر حيساعدك تتحكم في مكالماتك بشكل كامل و تعمل بلوك للأرقام المزعجة​

تروكولر بيخلي دليل الهاتف أذكي و مفيد أكتر من الأول. إحنا هدفنا الرئيسي إننا نخليك تتحكم بشكل كامل في المعلومات المرتبطة برقم تليفونك اللي ممكن توصل للناس. السبب في ده إن رقم تليفونك بيعتبر شيء شخصي جداً و بيرتبط بيك في كل مكان تروحه لسنين طويلة. كل ده بيخليك عُرضة لإستقبال مكالمات من ناس مالكش علاقة بيهم. عشان كده جه الوقت اللي تتحكم فيه في رقم تليفونك و تختار الناس اللي ممكن تتواصل معاك.

العالم ممكن يبقي مكان غامض مليان خطوط تليفون ملهاش صاحب؛ ناس عايزة تستغلك و تبيعلك أي حاجة أو ناس إنت مش عايز تتكلم معاها. تروكولر هيساعدك تتخلص من كل دول بطرق كتيرة زي إنك تبلغ عن الأرقام دي أو تتعرف علي أرقام محتاجها و كمان تعمل بلوك للمكالمات زي مثلاً المكالمات اللي الغرض منها التحرش. إحنا في تروكولر هنساعدك في كل المواقف دي. في السطور الجاية هنوريك إزاي ممكن تخلي تروكولر خط الدفاع الأول فى حماية خصوصية تليفونك

مجتمعنا فى تروكولر فيه أكتر من 100 مليون مُستخدم كلهم هدفهم وضع حد لمكالمات التسويق والتحرش. البلوك فى تروكولر عنده القدرة على تنبيهك للأرقام الغير مرغوب فيها دى فى لحظة وصول المكالمة. لوفيه رقم تم التبليغ عنه من عدد معين من المستخدمين هيتحط فى لستة الأرقام الغير مرغوب فيها علشان يتم تنبيهك لحظة ما يكلمك. تروكولركمان بيديك القدرة إنك تعمل قائمة للأرقام الغير مرغوب فيها اللي بتتصل بيك وهيتعملها بلوك اول ما تكلمك.  وتقدر تعرف كمان كام مستخدم عمل بلوك لنفس الرقم حول العالم.

الأرقام المتسجلة عندك هتفضل خاصة لو إنت إخترت ده إلا اذا كان فى مستخدم تانى مِسجل نفس الأرقام و إختار انها تتحط فى قاعدة البيانات. بالنسة لرقمك تروكولر بيديك 3  إختيارات الخصوصية علشان تحميه

إنك تخليه متاح لكل مستخدمين تروكولر

إنك تخلى أصدقاءك فقط او الناس اللى فى بينك وبينهم صداقات مُشتركة يشوفو

إن أى شخص عايز رقمك يبعتلك طلب ومش هيشوف رقمك غير لما توافق على الطلب ده بعد ما تعرف مين الشخص ده

الأرقام اللى على تروكولر مش بيتم الإعلان عنها، يعنى علشان تعمل بحث لازم يبقى عن طريق الإسم. يعنى ما ينفعش حد يجيب رقمك إلاإذا كان عارف إسمك. و بعد ما يدور لازم يتم إستاذنك عن طريق تروكولر وإنت توافق على الطلب..

علشان نخلى البيانات اللى عندنا موثوق فيها بنتيح ليك الفرصة انك تربط حسابك على تروكولر بمواقع التواصل الاجتماعى وده بيديك علامة تتحط جنب إسمك بتقول إن تم التأكد من شخصيتك. الناس اللى هتتصل بيك والعلامة دى جنب إسمهم تقدر تتاكد من شخصياتهم وإنت مطمن.

لو غيرت رقمك تروكولر هيحدث البيانات عند صحابك اللى انت مختارهم علشان يعرفوا ان إنت اللى بتتصل بيهم بدل ما حد يتجاهل مكالماتك من غير قصد. كمان تقدر تتحكم فى المعلومات اللى تحطها فى بروفايلك واللى هتظهر مع رقمك للناس اللى بتستخدم البرنامج..